داهی قوجالمیشام
داهی قوجالمیشام ، داهی تاوان یوخ باری سن قلبیمی سئخما آ یولداش
منده دای صاباحا داهی گمان یوخ قوروموش آغاجام ، یئخما آ یولداش
ائلیم بیرگؤورمیش زیروه لی داغدی اونون زیروه سینده کپرمیش داشام
بو داغین دورت یانی چیمندی ، باغدی قیما اوره یی قان بو داغدان آشام
سنده منیم کیمی بو ائل اوغلوسان سنی ائلیمیزه دایاغ ایستره م
گوروم کی ستارخان یا کوراوغلوسان منده داغ بئلینده قوجا بیر نرم
هردن آق کاغاذی قره قلمله یازیب دولدورورام حسَیاتملا
باشقا هنریم یوخ بو بویوک ائله حرمت بسله ییره م شعریاتیملا
ائلدن اوز دوندرماق مندن ایراخدی ائلینه باغلیلیق مندن قیریلماز
ائلین سئومینده ایماندا یوخدی من ائلی سئویره م سئومه سم اولماز
بیزه امک وئریب بو ائل ، بو وطن فتنه قورانلارا اویما آ یولداش
«فائقم» سنی ده سئوه جیم من سئخما اوره ییمی ، قیما آیولداش
شعر از خودم - یکشنبه – 92/6/24 ساعت 19:20 تبریز
پ.ن 1 : نقد دوستان را در مورد این شعر بجان می خرم!
پ.ن2 : مشکلی که این روزا برام پیش اومده بود شکر خدا حل شد. از دوستانی که دعام کردن از همشون متشکرم!