آذربایجان
آدینـلا فخر ائـدیـب فرحـله نـیـرم
ای منیم وطنیم ، شهرتیم ، شانیم
مین دفعه گراولم ،مین یول دیریلم
باشیمین تاجی سان آذربایجانیم
کوراوغلو ، نبی تک قوچاق یوردوسان
منلیگـین یولوندا دؤنـمز اردوسان
سن دوشمن سوروسون چاپان قوردوسان
باشیمین تاجی سان ، آذربایجانیم
گول چیچک یاییلیب سنین چولونه
مین یول پارچالانا ، مین یول بولونه
مـدیـتـرانه دن اورمـو گؤلـیـنـه
باشـیمـین تاجی سان آذربایجـانـیم
سنده وطن اوغلو! تاریخین آرا
تبـریزه باکـیـا کیم ووریب یارا
باشینی اوجا توت چکمه کنارا
باشیمین تاجی سان آذربایجانیم
نئچه یول بولوندیق گور هاردان-هارا
آرازیـن آدیـلا ووردیـلار یارا
اورمیه- همدان- قزوین – آسـتارا
باشیمین تاجی سان آذربایجانیم
من وطن یولوندا اودام - اوجاغام
اوزیمی قانیملا قیزارداجاغام
دریمی سویساندا آغارداجاغام
باشیمین تاجی سان آذربایجانیم
اردبیل - ایره وان - زنجاندا بیزیم
منیم دوغما یوردوم ، قوجا تبریزیم
سنـیـنـله یاشایـیب قالاجـاق ایـزیم
باشـیمـیـن تاجی سان آذربایجـانیـم
ائل اوغلو گوجونو یئغـیب دیزیـنه
بیزی گورمیه نین گیرریخ گوزینه
« فایق » تک ديیـریق دشمن گوزینه
باشـیمین تاجی سان آذربایجانـیـم
کریم زاده ( فائق)